വാക്സിൻ എടുത്തതിലെ അപാകത; പത്തു വയസ്സുകാരിക്ക് നീതിക്കായി കുടുംബം

News Desk

കൊ​ല്ലം: നെ​ടു​മ്പ​ന സി.​എ​ച്ച്.​സി​ക്ക് കീ​ഴി​ലു​ള്ള വ​ട്ട​വി​ള സ​ബ് സെ​ന്റ​റി​ൽ 10 വ​യ​സ്സി​ന്‍റെ പ്ര​തി​രോ​ധ കു​ത്തി​വെ​പ്പ് എ​ടു​ത്ത കു​ട്ടി​യു​ടെ കൈ ​നീ​രു​കൊ​ണ്ട് ത​ടി​ച്ച് ശാ​സ്ത്ര​ക്രി​യ വേ​ണ്ടി​വ​ന്ന സം​ഭ​വ​ത്തി​ൽ ഡി.​എം.​ഒ ത​യാ​റാ​ക്കി​യ റി​പ്പോ​ർ​ട്ടി​ൽ ഉ​ത്ത​ര​വാ​ദി​ക​ളെ സ​ഹാ​യി​ക്കാ​ൻ വ​ഴി​വി​ട്ട നീ​ക്കം ന​ട​ന്നെ​ന്ന് ആ​രോ​പി​ച്ച് പ്ര​തി​ഷേ​ധ​സ​മ​രം.

കു​ട്ടി​യു​ടെ മാ​താ​പി​താ​ക്ക​ളാ​യ അ​മീ​ർ​ഖാ​ൻ, സു​ൽ​ഫ​ത്ത് എ​ന്നി​വ​രാ​ണ് കൊ​ല്ലം ഡി.​എം.​ഒ ഓ​ഫി​സി​ന്​ മു​ന്നി​ൽ കു​ത്തി​യി​രു​ന്ന്​ പ്ര​തി​ഷേ​ധി​ച്ച​ത്. 

ര​ണ്ടു​മാ​സം മു​മ്പ് ന​ട​ന്ന സം​ഭ​വ​ത്തി​ൽ കു​ട്ടി​യു​ടെ മാ​താ​പി​താ​ക്ക​ളു​ടെ പ​രാ​തി​യി​ൽ ഡി.​എം.​ഒ​യു​ടെ നി​ർ​ദേ​ശ​പ്ര​കാ​രം ഡോ​ക്ട​ർ​മാ​രാ​യ ജ​മീ​ല, റോ​യ് എ​ന്നി​വ​രാ​ണ് അ​ന്വേ​ഷ​ണം ന​ട​ത്തി​യ​ത്. കു​റ്റ​ക്കാ​രെ വെ​ള്ള പൂ​ശു​ന്ന സ​മീ​പ​ന​മാ​ണ് റി​പ്പോ​ർ​ട്ടി​ൽ സ്വീ​ക​രി​ച്ച​തെ​ന്നാ​ണ് ജ​സ്റ്റി​സ് ഫോ​ർ ആ​ഷി​ക ആ​ക്​​ഷ​ൻ കൗ​ൺ​സി​ൽ ഭാ​ര​വാ​ഹി​ക​ളും ര​ക്ഷാ​ക​ർ​ത്താ​ക്ക​ളും ആ​രോ​പി​ച്ചി​രി​ക്കു​ന്ന​ത്. നി​ര​ന്ത​രം ഡി.​എം.​ഒ ഓ​ഫി​സി​ൽ ക​യ​റി​യി​റ​ങ്ങി​യ അ​മീ​റി​നും സു​ൽ​ഫ​ത്തി​നും റി​പ്പോ​ർ​ട്ട് ത​യാ​റാ​യി​ല്ലെ​ന്ന മ​റു​പ​ടി​യാ​ണ് ല​ഭി​ച്ചു​കൊ​ണ്ടി​രു​ന്ന​ത്. 

അ​വ​സാ​നം ക​ല​ക്ട​ർ​ക്ക് പ​രാ​തി ന​ൽ​കി​യ​പ്പോ​ഴാ​ണ് റി​പ്പോ​ർ​ട്ട് പു​റ​ത്തു​വ​ന്ന​ത്. ഇ​ഞ്ച​ക്​​ഷ​ൻ എ​ടു​ത്ത​തി​നെ​തു​ട​ർ​ന്ന് കൈ​യി​ൽ നീ​ര​ടി​ച്ച്, ഓ​പ​റേ​ഷ​ൻ ചെ​യ്ത​ശേ​ഷം ഗു​രു​ത​രാ​വ​സ്ഥ​യി​ൽ ഐ.​സി.​യു​വി​ൽ കി​ട​ന്ന കു​ട്ടി​യെ നേ​രി​ൽ കാ​ണു​ക​യോ കു​ട്ടി​യു​ടെ മാ​താ​വി​ന്റെ മൊ​ഴി രേ​ഖ​പ്പെ​ടു​ത്തു​ക​യോ ചെ​യ്തി​ട്ടി​ല്ല. ആ​രോ​പി​ക്ക​പ്പെ​ട്ട​വ​രു​ടെ മു​ന്നി​ൽ​വെ​ച്ചാ​ണ് കു​ട്ടി​യു​ടെ പി​താ​വി​ന്റെ മൊ​ഴി രേ​ഖ​പ്പെ​ടു​ത്തി​യ​ത്. 

കു​ട്ടി​യെ​പോ​ലും നേ​രി​ൽ കാ​ണാ​തെ കു​റ്റ​ക്കാ​രെ വെ​ള്ള​പൂ​ശാ​ൻ വേ​ണ്ടി ഡി.​എം.​ഒ ത​യാ​റാ​ക്കി​യ റി​പ്പോ​ർ​ട്ട് അം​ഗീ​ക​രി​ക്കി​ല്ലെ​ന്നും ഇ​തു​വ​രെ ചി​കി​ത്സ​ക്ക്​ ചെ​ല​വാ​യ തു​ക തി​രി​കെ ന​ൽ​ക​ണ​മെ​ന്നും ബ്ലോ​ക്ക് പ​ഞ്ചാ​യ​ത്ത് മെം​ബ​ർ ഫൈ​സ​ൽ കു​ള​പ്പാ​ടം പ​റ​ഞ്ഞു. 

പു​ന​ര​ന്വേ​ഷ​ണം ന​ട​ത്ത​ണ​മെ​ന്നു​ള്ള അ​പേ​ക്ഷ ഡെ​പ്യൂ​ട്ടി ഡി.​എം.​ഒ സ്വീ​ക​രി​ക്കു​ക​യും 15 ദി​വ​സ​ത്തി​നു​ള്ളി​ൽ അ​ന്വേ​ഷ​ണം ന​ട​ത്തി റി​പ്പോ​ർ​ട്ട് സ​മ​ർ​പ്പി​ക്കാ​മെ​ന്ന രേ​ഖാ​മൂ​ല​മു​ള്ള ഉ​റ​പ്പി​ന്മേ​ലാ​ണ് സ​മ​രം അ​വ​സാ​നി​പ്പി​ച്ച​ത്.