ന്യൂഡൽഹി∙ മൊബൈൽ ഫോണിൽ കളിച്ചതിന് പിതാവിന്റെ ക്രൂരമർദനത്തിന് ഇരയായ 5 വയസ്സുകാരൻ ഗ്യാൻ പാണ്ഡെ മരിച്ചു. സൗത്ത് ഡൽഹിയിലെ ഖാൻപുരിൽ നടന്ന സംഭവത്തിൽ കുട്ടിയുടെ അച്ഛൻ ആദിത്യ പാണ്ഡെ (27) യെ അറസ്റ്റ് ചെയ്തു.
ശരീരത്തിന്റെ പലഭാഗത്തും മർദനമേറ്റ പാടുകളോടെ കുട്ടിയെ അമ്മയാണ് ആശുപത്രിയിലെത്തിച്ചതെന്നും അപ്പോഴേക്കും കുട്ടി മരിച്ചതായും പൊലീസ് അറിയിച്ചു. ദമ്പതികൾക്ക് 3 വയസ്സുള്ള മകൾ കൂടിയുണ്ട്.
